Næringarþerapia er heildræn meðferð sem meðhöndllar hvern og einn á einstaklingsbundinn hátt. Meðferðin miðast við að taka sögu einstaklings með það að markmiði að skoða fæði viðkomandi til hlítar og gera viðeigandi ráðstafanir. Þær felast meðal annars í að skoða óþol fyrir ákveðnum fæðutegundum, minnka álag á líkamann með því að borða ákveðnar tegundir frekar en aðrar og gefa þannig líkamanum tíma til að hreinsast og styrkjast. Gefnar eru leiðbeiningar um aðferðir til að flýta fyrir hreinsun og til að bæta upp ýmiskonar skort. Notuð eru bætiefni og vefjasölt. Einnig er komið inn á hvaða áhrif hinar ýmsu fæðutegundir hafa á okkur líkamlega og ekki síður andlega.