3D/4D sónarskoðun er nýr mögleiki fyrir verðandi foreldra. Ný tækni gerir okkur kleift að ómskoða í þrívídd og fjórvídd. Þessi tækni er langt framar hefðbundinni tvívíddartækni hvað varðar skýrleika og myndgæði.

Þrívíddin gefur dýpt í myndirnar og fjórvíddin þýðir að hreyfingunum er bætt við, það er að segja, hreyfingar barnsins sjást í þrívídd. Foreldrar fá myndir af barninu á pappír og einnig á CD disk.

Hvernig er þetta hægt? Ómskoðun er framkvæmd með hljóðbylgjum sem gera það mögulegt að sýna myndir af innri líffærum. Hljóðbylgjur eru sendar frá nema sem strokið er yfir kvið konunnar sem síðan sendir skilaboð til baka í formi mynda sem varpað er á skjá.

Mismunur á myndum í tvívídd og þrívídd sem eru teknar í 38. viku meðgöngu.