Fæðingarfræðsla fyrir verðandi foreldra. Námskeiðið er í höndum ljósmæðra og er haldið  í samvinnu við heilsumiðstöð 9 mánuða að Hlíðarsmára 2 Kópavogi.         

Á námskeiðunum er lögð áhersla á:

• Fæðinguna t.d. mismunandi fæðingarstellingar, öndunartækni, nudd, slökun sem og aðrar verkjameðferðir 

• Efla sjálfsöryggi og sjálfshjálp verðandi foreldra

• Umönnun nýfædda barnsins og fyrstu dagana í lífi þess

Markmið með námskeiðinu er

• Að verðandi foreldrar öðlist hagnýta þekkingu á fæðingunni og getið valið á milli ýmissa valkosta sem upp koma í fæðingu, t.d. mismunandi fæðingastellinga, verkjameðferða o.fl.

• Að  efla sjálfsöryggi og sjálfshjálp verðandi foreldra

• Að fræða foreldra um nýfædda barnið og fyrstu dagana í lífi þess

Hvert  námskeið  er ein kvöldstund.  Kennt  verður frá kl. 18 – 21. 
                                 
Námskeiðin eru haldin fyrsta og þriðja þriðjudag í mánuði.*
Nauðsynlegt að skrá fyrirfram.
*með fyrirvara um næga þátttöku.

Sú breyting hefur orðið á að Landspítalinn hefur lokað fyrir heimsóknir verðandi foreldra inn á deildar spítalans en hafa þess í stað útbúið myndband sem sett hefur verið inn á vefinn www.lsh.is . Á þessu myndbandi er farið í skoðunarferð um fæðingardeildar Landspítalans. Myndbandið er góð viðbót við námskeiðið en kemur ekki í stað þess, því á námskeiðinu fer fram mikil og góð fræðsla um fæðinguna og fyrstu dagana í lífi nýburans.
Þeir sem hafa hug á að skoða fæðingarstaði í nágrenni Reykjavíkur s.s. Akranes, Keflavík og Selfoss stendur það enn til boða.

Mikilvægt er að verðandi móðir og faðir/fæðingarfélagi mæti saman á námskeiðið.
Verð kr. 7000 fyrir parið.
Boðið er uppá létta hressingu í hlé.
Gott að mæta í þægilegum klæðnaði.

Hægt er að skrá sig á námskeið í gengum heimasíðu 9 mánaða og  fá nánari upplýsingar með því að senda póst á gualjosa@9manudir.is eða  elinarna@9manudir.is

GG & EAG 2010